जीएमआर समूहाच्या नेतृत्वाखालील डायलसोबतच्या भागीदारीत भारताच्या राजधानीत दोन हॉटेल्सची स्वाक्षरी

नागपूर : हिल्टनने आज जीएमआर समूहाच्या नेतृत्वाखालील दिल्ली इंटरनॅशनल एअरपोर्ट लिमिटेड सोबतच्या भागीदारीत वाल्डॉर्फ अ‍ॅस्टोरिया आणि हिल्टन हॉटेल्स अ‍ॅण्ड रिसॉर्ट्स या ब्रँड्सअंतर्गत दोन हॉटेल्स उघडण्याची घोषणा केली. ही हॉटेल्स जीएमआर एरोसिटी, नवी दिल्ली येथे उघडली जातील – दिल्ली इंटरनॅशनल एअरपोर्टवरील भारताचा पहिला जागतिक व्यवसाय केंद्र, ज्यामध्ये जागतिक दर्जाची हॉटेल्स, रेस्टॉरंट्स आणि भविष्य-केंद्रित कार्यालयांचा समावेश आहे. हे प्रकल्पं हिल्टनचे लक्झरी आणि फुल-सर्व्हिस ब्रँड्स राजधानीच्या उत्तम कनेक्टिव्हिटी असलेल्या आदरातिथ्य आणि व्यावसायिक परिसरात आणतात. या प्रकल्पांमुळे नवी दिल्ली व नॅशनल कॅपिटल रीजनमध्ये हिल्टनची उपस्थिती अधिक बळकट होईल, जिथे हिल्टनचे आधीच चार प्रॉपर्टीज आहेत.

या स्वाक्षरीनंतर भारताच्या राजधानीत वाल्डॉर्फ अ‍ॅस्टोरियाचे पदार्पण होणार असून, हे हिल्टनच्या भारतातील लक्झरी बाजारातील दीर्घकालीन वचनबद्धतेचे प्रतिक आहे. या हॉटेलमध्ये १५० खोल्या व सुईट्स, सिग्नेचर डायनिंग अनुभव, मोठ्या प्रमाणावर इव्हेंट स्पेसेस आणि आल्हाददायक वेलनेस सुविधा असतील. यासोबतच, ‘पीकॉक अ‍ॅले’ हा प्रत्येक वाल्डॉर्फ अ‍ॅस्टोरियाच्या केंद्रस्थानी असलेला प्रतिष्ठित सोशल स्पेसही येथे अनुभवता येईल. याव्यतिरिक्त, ३५० खोल्यांचे हिल्टन एरोसिटी, नवी दिल्ली हे नवी दिल्लीतील पहिले हिल्टन हॉटेल्स अ‍ॅण्ड रिसॉर्ट्सचे प्रॉपर्टी असेल. या हॉटेलमध्ये व्यावसायिक आणि पर्यटनासाठी येणाऱ्या प्रवाशांसाठी अत्याधुनिक सुविधा, डायनिंग पर्याय आणि सोशल स्पेसेस उपलब्ध असतील, यासोबतच हिल्टनच्या आंतरराष्ट्रीय दर्जाच्या सेवाही मिळतील.

हिल्टनचे अध्यक्ष व सीईओ क्रिस नॅसेटा म्हणाले, जीएमआरच्या नेतृत्वाखालील डायलसोबतच्या भागीदारीत दिल्ली एरोसिटीमध्ये वाल्डॉर्फ अ‍ॅस्टोरिया आणि हिल्टनची स्वाक्षरी ही भारतातील आमच्या दीर्घकालीन बांधिलकीचे उदाहरण आहे. आम्ही दक्षिण आशियामध्ये आमची वाढ वेगाने पुढे नेत आहोत, आणि ही प्रतिष्ठित प्रॉपर्टीज आणि भागीदाऱ्या हिल्टनचे पोर्टफोलिओ वाढवण्यात आणि जागतिक प्रवाशांना उत्कृष्ट अनुभव देण्यात महत्त्वपूर्ण भूमिका बजावतील. या स्वाक्षरीमुळे भारतातील आमच्या वाढीच्या दिशेने एक मोठे पाऊल टाकले गेले आहे.”

जीएमआर समूहाचे कॉर्पोरेट चेअरमन किरण कुमार ग्रांधी म्हणाले, “जीएमआर एरोसिटीमध्ये वाल्डॉर्फ अ‍ॅस्टोरिया आणि हिल्टन आणण्यासाठी हिल्टनसोबत भागीदारी करताना आम्हाला आनंद होत आहे. ही भागीदारी एरोसिटीला दिल्लीच्या पर्यटन व व्यवसायिक अर्थव्यवस्थेसाठी एक फोर्स मल्टिप्लायर ठरवेल. हिल्टनचे जागतिक दर्जाचे स्टँडर्ड्स आमच्या जीएमआर एरोसिटीला जागतिक पातळीवरचा दर्जा मिळवून देण्याच्या ध्येयाशी सुसंगत आहेत.”

हिल्टनचे आशिया-पॅसिफिक अध्यक्ष अ‍ॅलन वॅट्स म्हणाले, “जीएमआर एरोसिटीमध्ये वाल्डॉर्फ अ‍ॅस्टोरिया आणि आमचा प्रमुख हिल्टन हॉटेल्स अ‍ॅण्ड रिसॉर्ट्स ब्रँड आणणे हा आमच्या भारतातील वाढीच्या धोरणातील एक मैलाचा दगड आहे. ही स्वाक्षरी आमच्या भारतातील पोर्टफोलिओला पुढील दशकात दहापटीने वाढवण्याच्या उद्दिष्टाच्या दिशेने एक महत्त्वाचे पाऊल आहे.”

जीएमआर समूहाच्या एअरपोर्ट लँड डेव्हलपमेंटचे सीईओ अमन कपूर म्हणाले, “ही भागीदारी जीएमआर एरोसिटी, नवी दिल्लीला जागतिक दर्जाचे डेस्टिनेशन म्हणून उभारते. आमचे नेहमीच ध्येय हे एकत्रित, जागतिक दर्जाचे केंद्र बनवण्याचे राहिले आहे, जे सामाजिक व आर्थिक प्रभाव घडवतात. या दोन प्रतिष्ठित ब्रँड्ससाठी हिल्टनसोबतची भागीदारी ही आमच्या या बांधिलकीचे प्रतिक आहे.”